الهم عاله - خليفة بن راشد الوالي
مدام الليل فاتح لي مجاله
يشيل الهم من صدري يشيله
ونفسي لو تشوف الهم عاله
رميته بليل والباري يعيله
ونجم سهيل من رب الجلاله
شموس الكون تضوي كل ليله
غريبه الرجل تعميه الجهاله
عقب الإسلام كلنا نهتديله!!
ولو حكمت عقلي بالعداله
رجح قولي على قول الهزيله
سبق كفي على كفه عناله
مسامح يطفي قلوبن شعيله
ووليته ظهر صعب إغتياله
طعني غدر في غفله وحيله
نزف دمي على باله حلاله
ورب الكون حرم هالنزيله
عقب ذيك المهابه والسهاله
نقص بحره وأصبح كالمغيله
وبين الناس قوله ما زهاله
سكن خاوي وماله من يجيله
ومات بليل مايرثي لحاله
روابع قوتها جثه هزيله
أنا عزي أمام الناس ناله
وهو عزه دغايل في مخيله!
ولو يدري بنياته رثاله
ليالي كلها شكوى ثجيله!!