الليل توه - خليفة بن راشد الوالي
على ضو القمر واليل توه
يوادع صبحي المقفي بنوره
وصوت الليل بسكونه وجوه
يداعب مسمع العاشق جهوره
هدير المد وان هده بقوه
على بحرن يغني لي شعوره
وأنا في جو يسميني علوه
وجدت الحور وأبهرني ظهوره
لقيت النور من نحره ينوه
كانه الشمس تشرق من نحوره
عرفت الشمس تاخذ نور ضوه
وباقي النورفي ساعة حضوره
سواد الليل من خصلة سموه
ولونه من سنا شعره وشوره
وخشمه سيف هندين عدوه
بنات الغيد من شكله غيوره
مقامه خيل أصحاب المروه
شرى مشي القطا تمشي حذوره
وأنا خايف على وصفه أشوه
جمالن زانه الله من جذوره
تلقاني وسلم ما تفوه
حياءه تاج يستاهل غروره
وصار القلب يدوي قو دوه
تحرك جيش فكري للضروره
وأنا قبري حفرته كان نوه
بإشارة لا.. تحسب من نفوره!!
تملكني وكلي له فتوه
عزمت أسكن حياته ثم قبوره