حروف القصيد - خليفة بن راشد الوالي

يا حروف القصيد إنزفي لي حروف
اكتبي عالضلوع والحبر من دمي

حارقن بالفواد والفكر بي يحوف
المدامع بخار ونارها تضرمي

للمحبه نظام واحترام الصفوف
وانسجام وغرام لو بقطع انسمي

واللهايب حرام دام قلبي شغوف
للذي لي يمون والعمام تعمي

عقليه به خصام كثر ماني أشوف
الظلم بالحنان والسفيه يحمي

غردي يا حمام واصفقي ياكفوف
للفعايل رجال جان حق الزمي

الله الي خلق الجبل وا لكهوف
حكمته للوتد وبالكهف نحتمي

ماأهاب الجبال دام عندي سيوف
كلمة الحق سيف تحرق وتوسمي

لين حد السما فوق صك الصقوف
دعوة الي لهم ربن ويزهمي

حاكمنا جميع حاكمن بالنصوف
بين جنه ونار عادل وحاكمي