الجفن سرب شعاعه - خليفة بن راشد الوالي
أغمظت عيني لجل ما شوف نورك
بس الجفن سرب شعاعك عيوني
قلت القمر يكفي شعاعة مرورك
قال القمر نوره حبيبك بدوني
أصد وابعد وأقنع النفس جورك
صاح الخيال بنبض حبك جنوني
نعم أغوص الحب داخل بحورك
وانت سمايه وانت أرضي وكوني
واناشعوري منسجم مع شعورك
مثل المزن تمطر مزونك مزوني
لا طاحت أوراق الشجر من غرورك
ينبت غرورك ورد شوكه جفوني
أهديك كلي ورد ساعة حضورك
وان غبت كل الناس ما يلزموني
تصبح حياتي سرها في سرورك
وأمسي مع طيفك مكافح شجوني
ياحور مالفردوس أشكر ظهورك
يلي جمالك صار كلك فتوني
للضعف نقطه صرت نقطة عبورك
يالشمس لا غبتي عليه اكفنوني