كاس داني - خليفة بن راشد الوالي
بديت باسم ربن لي هداني
على لسلام من صغري تبعته
حمدته عالعطايا لو بلاني
عسى الغفران يا ربي كتبته!
أنا مريت في وقتن عماني
عسف وقتي شربني ما شربته
تجرعت الهموم بكاس داني
وظنيته قمم عليا رتبته
ربطني حب عذري في زماني
عطيه لكن اني ما أخذته
عطيته حب ما يخطر عجاني
ولا انسن مثل حبي وجدته
طرف واحد يحب بلا تفاني
وواحد ياخذ الحب ويفته
أنا غرني نخيله ثم دهاني
فسلت ولافسلت و مات نبته
تمر سنين فعيون المعاني
لهايب ثم جراح وراح وقته
تمناني ولكنه نعاني
في يومن حبني لكن كرهته
تركته للزمان يشوف ثاني
يقارن عشقه بيومن عشقته
وأنا حظي مع واحد كساني
محبه لين ذوبني وذبته
عطيته مثل ما أعطي عطاني
كريم القلب زايد في وهبته
نعيش العمر كنا كوكباني
شعاعي له شعاعه وألتهمته
بديت باسم ربن لي هداني
على لسلام من صغري تبعته
حمدته عالعطايا لو بلاني
عسى الغفران يا ربي كتبته!