خذ عيوني - خليفة بن راشد الوالي
الغيوم الكاسيه عالجو غير
والبحر يزدان ل الناظر جمال
صورتن حلوه تمناها الضرير
يوم يرسمها بصيرن فالخيال
لكن البحار مثلي في عسير
صار موته بين ممكن وإحتمال
العواصف تجلب الموت المرير
والقدر ما مال منه راعي مال
حالتي مالت على ماي الغدير
لين عرق الماء تبخر.صار لال
الغني يطمع بما يملك فقير
والفقير المعتصم ظلمه حلال!!
ليش تنفث سم وآنا لك مجير
جاير بحكم العدام ولا تبال!!
يا أسير القلب لا تظلم أسير!
كيف تهدر دم شربه لك زلال ؟
الله اليا حط نوره في البصير
خالق الدنيا نظمها بإعتدال
ما رضى بالظلم وأعباده تجير
كيف تتجرأ ووقت الموت مال
باعتقادي كل شي ن له كبير
هكذا الدنيا نزولن وارتحال!
خذ عيوني لا يخادعك النظير
وأكشف الي كان في عينك محال!