الدفا في حضنكم ساعة - خليفة بن راشد الوالي
يا ملاذ الشوق ياخلي
عطنيه من وقتكم ساعه
لو جفاني الوقت هيدلي
مركبك لاتفرد اشراعه
شوف عيني يوم تنظرلي
دايمن مالشوق دماعه
في فراقك حالي مولي
قلبيه به نار ولاعه
ماتشوف الجسم معتلي
ولا طبيب يعالج أوجاعه
واحدن يفداك بالكلي
مايبا يخرج عن الطاعه
الصبر من صبريه ملي
لين صبري قدم اشفاعه
أنت شمسي وأنته الظلي
والقمرمنك ماخذ اشعاعه
يا عساها المزن تنهلي
دام نود الكوس ذعذاعه
في شتايه مالي مسلي
غير أنا مع طيفك ارباعه
بأطلبك ان كان يحصلي
" الدفى في حضنكم ساعه"!