شوف السياسه تكتم أنفاس - خليفة بن راشد الوالي
أنظمت جيلن فوق قرطاس
أيبات شعري والهواجيس
تحرك المهجه ولحساس
ويرتاح عدها كل رميس
بس الفكر عاداه هوجاس
والحال يرثى مالهواجيس
ما روم أفتك صوعة الراس
بقناد ومحمس تحميس
كل السبب من ظلم جلاس
فوق الكراسي معتلي بليس
وياه زمره للأسف ناس
أملى عليهم مالوساويس
لرهاب فيهم عرق دساس
ومن ظعفنا تقوى النجاريس
شوف السياسه تكتم أنفاس
أهل الغنى صاروا مفاليس
بس الشعر لوفيه طلماس
تحلى بيوته بالطلاميس
ياصاحبي عربانك أجناس
الزين فيهم حاله تعيس
الي حصل في الدار نكاس
فيها ارتفع ولد الدواعيس
والا عزيز القوم منداس
مسكين وأعلامه مناكيس
مالكاس نشرب بس مالكاس
رزقن مدون في الكراريس
ياسيدي ياعزوة الناس
يامقدر الرزق ابمقايس
نطلبك رحمه ترفع الباس
والباس للي يتبع بليس
انت العظيم وغيرك أفلاس
يا خالق الناس المفاليس
لو وسوس الشيطان وسواس
أدعوك تبعدني عن بليس !!