فوضوي - خليفة بن راشد الوالي
مجاراة لقصيدة فوضوي
لو فرضنى كل حاجه تستوي
من يقول أن العرب متساويه
الضعيف اليوم ياكله القوي
ومن سمى بنفسه وقع في الهاويه
كيف بتميز اذا تبغي خوي
والذيابه والغنم متخاويه
والرجل لوهو سنافي منزوي
حاصره وقته بضيق الزاويه
التعاون صار شي معنوي
وصف لكن المعاني خاويه
ان نطقت بحق قالوا فوضوي
وان سكت تحس نار كاويه
لو تجنبت الجبان الملتوي
المصايب كل ليه ضاويه
وكم واحد لالفيته منطوي
وانت في بيض النوايا ناويه
من تلقيط الوشايا مرتوي
ولايميز في كلام الراويه
لكن الماشي على الدرب السوي
ماتميله الكلاب العاويه
قصيده الشاعر الشيخ ماجد بن سلطان الخاطري مجاراة القصيدة
دنيا غريبه الناس فيها ترتوي
شرب الحديث ان كان زافه راويه
ماهمها لو كان في مسلم سوي
ماهمها وهيه عقولن خاويه
الذيب يصمت عالفريسه وينزوي
في هالزمن شفت الثعالب عاويه
لول تقول الناس لا مايستوي
عالظلم لكن ما تلاقي لاويه
السيف يبقى سيف لونه معتوي
والحر يفهم بالإشاره الضاويه
ماحب أعيش بعيشة الي ملتوي
مايستوي ذاك الذليل نخاويه
ظنه حفر ظنه وظنه فهلوي
مايدري انه تحت ظنه هاويه
يومن رمسنا بحق قالوا فوضوي
ويومن صمتنا نعيش نارن كاويه
صعبه تلاقي لك خوي نعم الخوي
يقسم حياته للخوي ويساويه
دوم القوي يمسك على درب القوي
دام النوايا خير سيري ناويه