يالسمرا - زايد بن سلطان آل نهيان

يالسمرا يالجميله
ابيه زاد الغرام

أو عييت عليه الحيله
يوم انشرن لريام

من شاموا في مليله
و آجاسي الاسقام

وحبي اتزايد شعيله
ومالذ اليه المنام

العين اللي ثليله
امفارقتها حرام

عفت الفرقا الطويله
يومها شرات اعوام

دمع اعيوني هميله
يذرف او ييري زام

ذاكر غر يديله
يضفي على لجدام

باني واسدل سبيله
فاحم شروات الظلام

عني غبى دليله
حتى ابرويا لحلام

ولا ريت من يعني له
ينقل مني سلام

ويخص لي نبغي له
توضيح من لعلام

واللي امفارج خليله
معذور ماينلام