يا السيّد اثره العيد - زايد بن سلطان آل نهيان

يا السّيد اثره العيد عيدين
وثالث أعياد الدر لمطار

والغيث عود بعد سنتين
واتباشروا به الناس والدار

مالت له أغصان البساتين
والزهر يانع والحيا ثار

وانشم بنات الرياحين
اوالطير غنّى فوق الاشجار

حتى الغضي لي كامل الزين
راتع ويلعب بين الازهار

خذ م المهايا جيد وعين
وم الليل ماخذ شعر واقمار

فايق على كل المزايين
له في سويدا خاطري دار

حبه في قلبي عايش سنين
ما يختلف لو صار ما صار