احذر لاتشتط - زايد بن سلطان آل نهيان
احذر ولاتشتط تندم
ياجان تبغي الشي تنضيه
ياكم واحد قبلك ازتم
يركض ولايوصل لي يبغيه
ومن الحماقه جسمه انحم
ومن العيا ماتقبض ايديه
ومتى العيل يتعوض الهم
ويخسر صديجه اللي حواليه
بوصيك جانك رجل تعلم
إتأن في امر بتعنيه
إعمل ابطيب اوزين وفهم
ومتى العدل يعدل ابراعيه
إصبر ومترى الصبر يسهم
في الجزل يوم انك توافيه
والاحترام يعالج الهم
والغير هذا ماتواحيه