ياهل الوفرة - ظافر الحبابي
عليكم حقوق ضبيّكم ياهل الوفره
و انا ما تعوّدت الخمال اتركه مرفي
ولاني من اللي تحتمل حقّه السفره
خفيفٍ تنسيه الزعل ذبحة الهرفي
ولا باستعيب اطلب حقوقي من الخفره
سبقني عليها العنقري في مثل ضرفي
انا احز مفصل لا غدت بيدي الشفره
ولا اقول قولي لين اعرّج على عرفي
عطاني عهودٍ من نقضها ثبت كفره
و اشوفه تغاضى عن عهوده ويسترفي
وانا مثل الاعمى خطوتي دونها حفره
حفرها المقدّي يوم احطه بدل طرفي
أحسب العذارى ما يساون طرف ظفره
واغنّي لترفي واقبل الضيم من ترفي
بنا في الحشا همٍ تثاقل به الزفره
ليا جيت اوصّف ما قوى يوصفه حرفي
وانا اشكي عليكم ما جرى ياهل الوفره
ولدكم خماله عندنا ما يجي مرفي