المهم كلمتها - عارف زينل
حتى لو ماجت لقلبي تهتدي
المهم إني أنا كلمتها
مو مهم اعرف بمن هي تقتدي
دام نفسي في الهوى ادبتها
ابتديت آنا وانطر تبتدي
يوم ما شفت الخلايق شفتها
من لباس الزين اهيا ترتدي
لبس يرضي ربنا ولمحتها
في وسط اي شهر لازم تعتدي
عالقمر وقت التغزل وقتها
يا سهر وقت الشعر هي عادتي
طفي الأنوار واجلس عشتها ؟!
يالله نبدى آنساتي سادتي
عشت حبٍ والغواني عفتها
افتديها نور هم هي تفتدي
هي تبور وطبعي آنا صنتها
لين مرّه بس لمحت وسادتي
وآنا اكتب في القصايد جستها
دون مقصد دون اي إرادتي
صاحت القمره وقالت خنتها !!
درت ابحث عن فنون إجادتي
صغت فكرة كيف أخونك صغتها
كيف أخونك يا وجود إبادتي
وانتي قمره في حياتي صوتها
سكاته !! ما جا لقلبي إفادتي
لو محتني قصتي أرختها
اطلبو منها ولو إعادتي
شاعرٍ يكتب لغتها / نبتها
حتى لو ماجت لقلبي تهتدي
المهم قمره وانا كلمتها