بكرة اللقاء - عارف زينل

بكره اللقا يا آنسه بكره اللقا
مدري انا وشلون بستقبل دمي

مدري بفرح بستقبلك والا بشقى
والا عيوني قبلهم تصبح عمي

فمك سفك قلبي بضحكه, ثم سقى
في داخلي حزني وأثمر من فمي

كلي انا قد طحت بس قلبي رقى
من حبكم أدركت إني آدمي

راح الجسد عنك وقلبي لك بقى
ما راح عنك غير عظمي والحمي

أستر عري حبك وقلبك ما اتقى
حفره فقبري يوم قلبي مرتمي

ان ما بغيتيني بايمان وتقى
مابيك لو انتي الوحيده بلسمي

ان ما بغيتينا حبايب واصدقا
بروح مثلي مثل رجال انشمي

ان جته طعنه او فراق وما هقى
يخفي الطعن ويعز نفسه واسلمي

بترك جروحي دون مرهم او وقى
وان ما بغيتيني, بلاقي مرهمي

بكره اللقا, يا غايصة بحر النقا
فيك النقا مخلوق او هو ينتمي؟؟