القلب عندك - علي بن سالم الكعبي
القلب عندك وين تبغيه حطه
ماله بغيرك غايتن وارتباطي
انت الوحيد اللي على القلب سلطه
حاكم وحكمك في حناياه باطي
يعني أحبك تحتها حط شرطه
وعهد الموده قبل ذا اليوم عاطي
غيرك يحط لساحه الود خطه
وانته بلا خطه وصلت الشواطي
خذ القلم مني وبالقلب غطه
واكتب بالأحمر حامي الشوق ساطي
لنه غيابك والهجر منك شطه
وان جيتني ولهان زاد انبساطي
انته حروف الشعر واحساس نبطه
وانته نبض قلبي وقمة نشاطي