لاذ عني - علي بن سالم الكعبي
لاذ عني يوم قربت أدركه
فز كنه ذلك الظبي الجفول
سهم رمشه في خفوقي شربكه
لو بغى غيره يطاول ما يطول
عاود اللفته يناظر مهلكه
نظرةٍ خلّتني بحالة ذهول
لو عقدت العزم ناوي أشبكه
ما قدرت إلا على حسب الأصول
قمت أعصر فكر راسي واحبكه
كيف أوصل بارق الخد الخجول
كفّي بكفّي أردّه وافركه
عقلي الميدان وافكاري تصول
بين فكر وقلب دارت معركه
فكر هادي يعسف القلب العجول
ما قويت اسرج فؤادي واتركه
عازم ابقى لو مقانيصه تطول