حلو التدلل - علي بن سالم الكعبي
وين يا حلو التدلل والحلاء
طاري بطاريك ع الخاطر طرى
لأنك بدنياي ينبوع الحياه
لك غلا مع نبضة النبضه سرى
أغلي بشوقي وخفاقي غلاه
ودك اللي في شراييني جرى
يا غناتي أنت لي سعد وغناه
مغتني وللغير عيني ما ترى
لو نواني الغير قلبي ما نواه
من ملك شرواك ماينظر ورا
من ثراك الزين راسك منتهاه
لك غلا من هامتي حتى الثرى
الخبر أنت وأنت مبتداه
والشعر لو حاز وصفك ينقرا
والله أن القلب حبك من خفاه
والعذول بسر حبك مادرى