اذا تمعنت فعيونك - علي بن سالم الكعبي

اذا تمعنت فعيونك
ينتابني الخوف من دونك

اتأثر بحسنك ولونك
جذاب جذاب نهابي

تأسر خفوقي على كيفك
يوم انتظر في تواصيفك

والورد اللي يحتمي بسيفك
يكشف عن الدر لعذابي

ليلك تكدى على خدودك
داجي تناثر على عودك

يا غصن ثامر بعنقودك
مشمش وخوخٍ وعنابي

يا الغر يا دانة الساحل
يا بو حشا اهيف ناحل

لو شافك الطاير الراحل
واطن بأرضك وله ضافي

الخود يتهامسن عنك
غارن وماتن قهر منك

على جمالك يحسدنك
لابس من الزين جلبابي

اذا تمعنت فعيونك
ينتابني الخوف من دونك

اتأثر بحسنك ولونك
جذاب جذاب نهابي