فديتك لاتعذبني - مانع سعيد العتيبة
فديتك لاتعذبني فديتك
حبيب الروح يالغالي غناتي
احبك موت يالخل اورجيتك
تروف ابحالي ونته حياتي
تراني ياغناتي مانسيتك
عليك اتصيح واتهل عبراتي
اوبعت الناس لي قبل شريتك
اورخصت الروح في حبك فواتي
حبيبي من عمق قلبي هويتك
يلين الحب ضيع لي ثيابي
الا ياكم يالغالي لعيتك
اوبكيت اوتهت في كل الجهاتي
مفاتيح الحشا اوقلبي عطيتك
اوقبولك يالضنا اغلى امنياتي
تفضل افتح يالخل بيتك
فدتك الخود يازين الصفاتي
تخيلتك كثير اومالقيتك
رعاك الله ياصافي البهاتي
ابخيالي كم وكم مره عنيتك
اوشغل طيفك ضميري في صلاتي