هيهات يالمحبوب - مانع سعيد العتيبة
هيهات يالمحبوب انساك
يكفي ملامي والعتابي
مابيننا مثلك اوشرواك
سيان في احضور اوغيابي
طيفك معي والقلب هوياك
واطير لك فوق السحابي
مافارقني مول روياك
اشد لك دوم الركابي
روحي وقلبي عندك اهناك
ياراحاتي الكبرى واعذابي
اصغي لهمسك واطلب رضاك
عساك تسعفني ابجوابي
ذوقي اوشوقي من عطاياك
اوحبك عن الباقي سهابي
لولاك يالمحبوب لولاك
ماباح دمعي سر غابي
احترت من روعة مزاياك
في عدها قصر حسابي
الله ايكون ابعون مضناك
اويجزا على صبره صوابي