القلوب السود - مبارك المنصوري
خفت القلوب السود اتشوف بعيون
واتفسر افعالك على محملن شين
اببتعد لين الملاقيف يسهون
وارجع اذا شفت الملا عنك لاهين
كل ما بغيت اهديك ردتني اضنون
وخفت الردي يدري وانا اقول بعدين
حالي وانا بعطيك واخاف يدرون
مثل الكريم إلي كسر ظهره الدين
كل ما بغي يعطي تذكر له ديون
وقفا بهمه واصبح الهم همين
لو انها بفعالنا كانت تهون
بس البلا من كلمتن تخلق البين
لا لا تضيق وانته ألروحي الكون
إن ظاق كوني قلي أعيش انا وين
يا صاحبي بعطيك من شعري افنون
اسمع كلامن ينشري بالملايين
ارخص هو نفسك ولو كانت اتمون
واحذر كلام الناس وإن كان غاليين
واحذر يغرك فعلك وكثرة العون
ولا تستهين ابرمح بعض المساكين
كم فارسن قد مات بالغدر مطعون
وقد كان نارن تشتعل فى الميادين
وما قد ستر عينك مثل جفنك اجفون
ولا ستر عيبك مثل راعي الدين
حبك رسخ فى القلب ثم شيد احصون
ولو لاك غالي ما عطيتك براهين
اخاف انا من قولة إلي يقولون
ويعفنا من قولهم فعلنا الزين
لو تشتعل نار المغلين بتكون
برد وسلامن دامك أبداخل العين