دار ياللي - ثامر الكعبي

مهداه لسمو الشيخ ناصر بن حمد آل خليفه

دار ياللي تلبس اليوم جلباب السعد
هلت قنوف السحايب تصب مزونها

لاح برق العز تاليه رعاد الرعد
وغنت البحرين ترزف جميع ركونها

شيخنا يالحر مبروك ناصر بن حمد
يازبون الطايله والقبايل عونها

لاحتمى الميدان شجعان توفيك العهد
مايهابون اللقا والمنايا دونها

يستثير الدم بركان في وسط الجسد
لجل عز المملكه الروح مايغلونها

قالها مبروك من هو على طرقه نشد
طوع القيفان وانشى جميل الحونها