البنت خوانه - ثامر الكعبي

افا والله خدعتيني نسيتي من اكون انا
نسيتي من مسك ايدك نسيتي يوم طاحيتي

تغيرتي عليّ فجأه غرقتي صرتي هيمانه
في زين اللي اخذ فكرك ولا حتى ستهميتي

نسيتي او تناسيتي بأنك كنتي شفقانه
تدوريني ما بين الناس وعن رقمي تحريتي

عجزتي لين كلمتك عجزتي صرتي شقيانه
بعد ما كنتي منذله حقيقه انتي ترجيتي

تصبرتي علي ياما و ياما صرتي عجزانه
ومن زود القهر صحتي و لكن ما تماديتي

لأنك عارفه قدرك لأنك كنتي غرقانه
لذلك كنتي احياناً عن وصالي تخليتي

انا صدقيني ما لومك انا ادري إنك انسانه
انا ادري الغلط منيّ عطيتك ما تمنيتي

صحيح انك تعودتي تكوني كيف خوانه
حسافه هذا هو طبعك عليه انتي تربيتي

حسبتيني انا منهم احبك موت يا فلانه
وانا رجّال ما دلّع طفرتي ومنيّ مليتي