لا تفارقني - ثامر الكعبي
تصور كل مامرني شعور انك تفارقني
تغيب بعيد عن عيني وتترك قلبي وترحل
افكر ياترى وشلون ابصبر قول علمني
ترى عمر الزهر من غير رشات المطر يذبل
وانا غصبٍ علي صابر وصبري حيل ذابحني
علي الله انا شاهد اذا بغيرك انا اقبل
حشى ماحد سكن هالقلب غيرك وانت عارفني
ابيك تحس لو مره بغلاك وفيني تتجمل
ترى ما عدت انا ثامر ولاذاك اللي خابرني
كسير القلب من دونك ولا ادري كيف متحمل
تصدق يا غلا جيتك واشواقي تسابقني
خيول الشوق في قلبي تعالا صوتها تصهل
الا يازينها لحظه لقى وياك صدقني
معاك يغيب انا فكري وحواسي كلها تشتل
اقرب تبتعد اكثر ..اباعد تقترب منّي
على قول المثل وياك بدروب الهوى اتجول
تصدقني تصدقني ..تصدق لو تكذبني
عرفت الدنيا في لحظه غيابك كيف تتحول
طلبتك لا تطولها تعال ارجوك ريحني
غيابك حيل علمني اذا ناوي علي تزعل