لا تعتذر لي - ثامر الكعبي
ما قبلت العذر منك دامك اخلفت الوعود
لا تحاول تعتذر لي شوف غيري واتبعه
دام قلبك حب ثاني وخان حبي والعهود
اشهد أن العذر منك ما يجيب المنفعه
ما مداك تحب غيري حتى ترجع لي تعود
وش بلاك أنت وتريث هدي عند الله سعه
أركد شويه حبيبي وأستريح أبها لركود
علم قليبك يا غالي هذبه ثم سنّعه
ما يصير انك تجمع كل احبابك حشود
ما يصير تحب عشره .. تستوي لك معمعه
صارت افكارك غريبه مالها معنى وفود
صار همك هم مبطي هم يذبح ما ابشعه
وجهك اللي من عرفتك نوره الساطع يزود
وش بلاه اليوم قلي بالحزون امشبعه ؟؟
كان مثل الشهد صافي كانت خدودك ورود
كنت منور يا حبيبي في الجهات الأربعه
وانطفى هالنور كله يومك اعلنت الجحود
قلبك اللي حب غيري العذر ما ينفعه
دام مفهوم المحبه عندك بليا حدود
وكل شخصٍ يبتسم لك ما تصدق تتبعه
لا تجي لا تعتذر لي انسى اني بالوجود
روح دوّر شخص غيري كل كلامك سمعه
والا انا الشوق اللي فيني انتهى ماظن يعود
لو يبي قلبي يسامح راح اوقف وامنعه
ودامك انته شفت غيري لا تظن اني باعود
قدرك اللي وسط قلبي لاتظن بارجعه