من شاعر البحرين - حمد بن ظافر العرجاني

للشيخ الشاعر احمد بن محمد الخليفة ..

من شاعر البحرين جات الردودي
لبوخليفة الف شكراً وممنون

الدمع يا احمد سال فوق الخدودي
ذكراك ذكرني ابما كان مكنون

مولود في الصخير واول وجودي
بالف وثلاث امية وواحد وخمسون

متوقع للرد منك وزودي
يامرحبا بك عد بدو ٍ يشدون

وعداد مازملق من العشب عودي
بأرض الصداوي حيث ربعك يقنصون

واطويمنات ارياضها كالورودي
فيها الحباري كل يوم ٍ ايذكرون

هدو عليهم كل اشقر حدودي
ولا احمراً مثل الذهب داخله لون

ولا اسودٍ مافيه دق الجرودي
جابوه من سنجار ناس ٍ يعرفون

لانصك من عالي رفيع الرجودي
مثل السهم في قاذفات ايطيرون

وايضا شواهين ٍ ترد الشرودي
للي تعلا لثريا ايردون

صيد الربع في اليوم اميه وزودي
قالوه منهم للحباري ايعدون

في مملكة عبدالعزيز السعودي
اللي اهلها بالخليفة ايهلون

من عهد ابوتركي الفهد الفهودي
والكل للثاني موده ايكنون