عيد الوطن - حمد بن ظافر العرجاني
عيد الوطن عاد مع تحقيق الامالي
للعاهل نقول مبروك ٍ ويعتاده
حمد يديمه لنا علام الاحوالي
سبحان رب ٍ وهب مثله من عباده
كل الصفات الحميده ملك للغالي
والشعب عنده كاخوانه واولاده
للي وعد به تحقق كل ماقالي
والمملكة تزدهر وتبارك اعياده
الله يديم الملك ذخرا ً وظلالي
اللي لشعبه يريد الخير واسعاده
كل يتمنا يجي عنده ونزالي
في ديرته جعلها بالخير وزياده
والى خليفة نبارك درب الافعالي
بصمات يمناه تشهد له ومعتاده
يسعى لهذا البلد للمرقب العالي
حتى اصبحت من نظرها تبهج افواده
يشكر رئيس الوزرا اول وتالي
لبوعلي الف شكر وزود وزياده
والى ولي العهد مبروك وجلالي
شهم ٍ له الطيب من أب ٍ واجداده
القائد العام ذخراً وان بدى حالي
قائد جيوش ٍ بطوعه وين ما راده
يحمي بلاده بامر القادر الوالي
سلمان يسلم ويفرح من هو اسناده
ختمي صلاة ٍ على المختار والآلي
اعداد وبل ٍ همل من وسط رعاده
طه شفيع ٍ لنا في يوم الاهوالي
يوم ٍ يشيب رضيع الديد في مهاده