فجر الحب - خلدية آل خليفة

فَجِر يالحب لكنك جسمٍ والوعي مفقود
ناري تسمع أنفاسك وإنت الغايب البارد

وين انت ومع من يا مِعَلّقِ بالامل موعود
وين تروح في عيونك وتعوّد معي شارد

وين تغيب يا من له عندي كل شي موجود
من يعطيك باحلامك ويخليك به صامد

أشوفك تبتسم شاللي تشوفه بالعيون السود
شاللي يجبر البسمة ترفع في الفجر ساعِد

مات الليل تسمعني؟ مات الليل يا المعبود
ما يحتاج تجرحني بالاحلام يا الجاحد

ما يحتاج أعيش الليل خلف الشارع المسدود
أسمع بسمتك تهذي والبركان بك خامد

بعد شويّ تسالني " الوقت " وأحسّ الجود
وأسرح في السماء وألقى جوابي يلمسك بارد

فجر وانت معي لكن جسمٍ والوعي مفقود
تحبني يا ترى والا أحبك من طرف واحد ؟