تعود قلبي - عارف الهاشل
تعود قلبي من صغري على الويلات يا رجـال
ولابه في البشر من جرح إلا ومثلـه فقلبـي
تصدق!! إن بي جرحٍ .. مشيد له كذا تمثـال
سقط صدام وتمثاله وهو المغرور يلعـب بـي
وإذا انته لاسمح ربي تشيل اي جرح بك لازال
تفضل واتركه عندي بيلاقـي ربعـه وربـي
قبل تحكي وتقول إني أجيب لنفسي الغربـال
تأكد إني ما خليت ابد مـن عـذر ٍ لقلبـي
مصيبه لى عجزت ألقي ليومك من يريح البال
شـقول أكثر لصار اللي يجّرحني أهـو حبـي
شباب وشبت من همه وهو سالي كما الأطفال
وربي ويين ما اهرب ألاقي عيونه فـي دربـي
اهو عارف ولكنه .. في عنده ياما هد جبـال
وأنا صبري جيوشٍ له تداري إحساسه وتلبـي
وأظل خايف عليه الله مثل ما سوى فيني ينال
والا جروحي متعـود الملـم فيهـا وآخبـي
انا لو بشكي ماشفته من جروح وعنى وغربال
يشيب الطفل من همي و هو في غفلتـه يحبـي
وإذا كنت بتواسني ترا منهو سبق لـك قـال
أقدر والله لك صبرك!! ولافّرج لي من كربـي
تعذر مني لا تهتم ... تعذر مابـه أي إشكـال
تراهي قسمتي وراضي على اللي يكتبه ربـي
وإذا كان القسى مني .. بدر بالقول والأفعال
أبي تعذرني يا طيب .. ترى اللي صار أثر بـي
طرا لي هاجس الوحدة وإذا في يوم جرحي زال
من اللي راح يسليني لى غاب الجرح عن قلبي