أكبر وسام - عارف الهاشل
مـا أبـي منـك ولاحتـى سلام
وما ابـي ترجـي ولا تبكـي كثيـر
مايـرد معزتـك شره وملام
ولا يفيد الجد مـع طفـل ٍ صغيـر
وفـر دموعـك علـى ذاك الكـلام
وافهم احساسي ترى بغـدرك خبيـر
كنت اظنك وافي ٍ لـي ويـا حـرام
مادريت ان الوفـا عنـدك ضريـر
تصبح او تمسي مع غـرورك لـزام
تحسب الدنيـا علـى كيفـك تسيـر
رح تذكر مـن علـى شانـه تهـام
من ملك قلبـك قبـل تصبـح كبيـر
من فدى روحه ومـن بكّـى الغـرام
من جلى همك وسط وقـتٍ عسيـر
انتهى كل شيّ .. وابديـت الخصـام
ولازعل يسوى علـى شانـك احيـر
عزتي لنفسي انـا مارضـى تسـام
والله مارجع لك ولـو جنـه تصيـر
شوفني اضحك ومـن بعـدك انـام
فارد جناحي ومعـى غيـرك اطيـر
ع الغدر بعطيك انا " أكبـر وسـام "
وع الوفى آسف ( ولا عندك ضمير )