الكلاب تسير والقافله تنبح - عبدالرحمن الخالدي
طلبتك لا تذكرني بردى هالوقت / خل ارتاح
انا ادري بك تبي تقص القصص لي/وتسهب وتشرح
انا عايش وسط جنة خيالي مريّح ومرتاح
ولا ابغي طاري من يقتل ولدماء العرب يسفح
أبي آدم ترك جنة عدن والسبه التفاح
طلبتك لا تلوم احفاده اللي تسلب وتذبح
انا ادري انت متضايق من الكلمات ذي يا صاح
لأني واحد مْن اللي عَكِسْ تَيّاركم يسبح
انا مابي امثل لك واذرف دمعة التمساح
دخيلك خل كل هذي السوالف عنْك ثُم ارتَح
شيوخ الدين بس فتوى وكلام ولِعبِ بالمسباح
ولا تفتي بجهادٍ ضد منهو لشعبنا يذبح
بلادٍ كل همها كيف هي بس تجذب السياح
وسوق اسهمها و العملة وسعر النفط كم يشقح
تغير كل شي يا صاحبي وذاك الزمن قد راح
مدام اللوح قدوتناعذرته شعبٍ استلوّح
زمان اول قوافلنا تسير وكلبهم نبّاح
واشوف اليوم صار الكلب يسير وقافله تنبح
ترى ما عاد به خالد ولا طلحه ولا ابن رباح
غدينا كلنا جمهور و حكام اعشقوا المسرح
ترى الاشعار وقصة عن بطوله وطلقةٍ بسلاح
تكفينا عنا المعركة وجيش العدو مسلّح
تبيني بعد ذا اسمع كلامك وامتلي بجراح
حشى ما ابغى كلامك غير الموضوع لو تسمح
انا مثلك قبل يومين احزن وانفجر بصياح
ولكني تعلمت ان تطنيشي هو الاصلح
انا مابي امثل لك واذرف دمعة التمساح
دخيلك خل كل هذي السوالف عنك ثم ارتح
حسبت القافله بتسير-وكل كلبٍ يزيد نْباح
وشفت ان الكلاب تسير وذيك القافله تنبح