تعريف .. انثى - عبدالرحمن الخالدي

انثى ما تشبه انوثتها حِسن مريم وساره
مالها اشباه الا اختها وامها وابيها

فيها يزداد البياض وثغرها زاد احمراره
كنها قطعة جليدٍ شايله الجمر بيديها

حلوة ممشوقة قوام وجسمها فيه استداره
القصر ما عابها والطول ما غيّر عليها

ردفها من قطنٍ ابيض -خدها البدر بمداره
فاتنه متناسقة اطراف والخاطر يبيها

اذكر انها حددت لي موعد بيوم الزياره
واستشرت النفس لحظه-وقلت انا لازم اجيها

ثم تردد خافقي ثم قال : صل الاستخاره
لا تغامر بالزياره-يمكن انته تروح فيها

قلت: امها نايمه -والاب جالس عند جاره
يعني مافيها مشاكل دام غابوا والديها

التقينا وابتدت نار التلاقي من ..شراره
ثم قضيت الوقت معها تبتليني وابتليها

اشتعلها وتشتعلني-ذبنا من زود الحراره
واحتضنها وتحتضني وبحناني احتويها

هي اسيره بين كفيني وادللها بمهاره
لين تتصاعد غيوم العشق ونسافر عليها

ارتوي من ثغرها ..من ليلي لْآخر نهاره
ويحتقن دمها بشفايفها وانا ماسك يديها

هذي قصة حب كانت بيني وبين (الزقاره)
وكل ما اذكر قصتي معْها احن لْلها واجيها