جت كذا - عبير بنت أحمد
إنت شعر ٍ بقلبي باكتبه .. ما عرفت
خفت تدري العواذل عننا يالحبيب
ما وصفتك تمام الوصف مهما وصفت
ودامي اوصفك؟ .. فالإبداع ماهو غريب
والله اني اشوفك عند بابي وقفت
لا نتب اللي بعيد ولا نتب اللي قريب
بس .. هي جت كذا ! إرتحت لك واكتشفت
بإن كل المسافه لو تودِّي.. تجيب
لو بأعدد جروحي كم وكم قد نزفت
ما نزفت الا همّ ْوجابك الله طبيب
مدري ان كانها تفرق معك لأعترفت:-
قالوا انك كذوب وقلت : يا ناس عيب !
يوم حاولت ب ادْله عنْك / زود انشغفت
آتصبّر و ظنّي بالشقا ما يخيب
لا ذكرت ان ّمن هالعين ياااما ذرفت
قلت فدوتك عيني لين عيني تشيب
أحسب اني وصلت.. وتوّني مأنتصفت
يوووه ياطول مشواري معك يالنحيب
آآه ياليتني من هالزمان انتصفت
قبل لأدري عن اللي زاد ناري لهيب
لا ومع ذا تّساءل وش بلاني نحفت !
دوك تكفى وش اللي ما بقى بي عطيب
صح .. وان كنت شمسك/لاحضرت انكسفت
بس.. مع ذا.. طلبتك يالبدر لا تغيب
وانت شعر ٍ كتبته بس توّي عرفت
بإن شعري وحظي مالهم بك نصيب