حكي فاضي - عبير بنت أحمد

فالحاضر اللي محجِّر عقله الماضي
وانا بفِكري تنقّيت العقل نقوه

ناديت شِعري و لبىّ موكبه راضي
والله مأذكر حروفي خانت الهقوه

مارحت أببدا هجوم ٍ فيه مركاضي
اللي بيبدا غباءه .. فَ الغبا كفوه

والحاسد أول حقوقه كود يغتاظي
وآنا اعطي الحق لأهله وابتغي عفوه

عبّيت راس القصايد بالحكي الفاضي...
فرحان يعني عشانك للجهل قدوه ...؟

لولاي أبحشم قصيدي وارفع ألفاظي
والا مثيلك مقامه " للبقر" فدوه ...!

من زين عرشك .. تحاول توصل أنقاضي...؟
ياهووووه صار المرفّه يدلي بدلوه ...!

ْولا جبْت خلفي غلام ٍ شايل اغراضي
وإلا آترزز لأجل ينقال : ( ذي حلوه ) ..!

الحمد للي بحِفظه سَلَّم أعراضي
والمجد مبطي تمنّى مركزي منوه

ومادمت لأنت البريء .. ولانتب القاضي ؟
خل القصايد لأهلها .. وإقْصِر العنوه