يا أغلى من شالت - لولوه الخليفه
لا تسافر تترك الديرة صموت
في غيابك تسكن أطياف الفرح
من خطاك يوقظ البحرين صوت
كنه أجراس ن لمن عطره سرح
وش غيابك في حضورك غير موت
إسأل الأطفال -في بعدك- مرح؟
إسأل دروب وشوارع عن سكوت
وإسأل الفرجان عن ليل ن برح
تنزع أرواح الفرح طرز البشوت
وتلبس من الحزن ما عاف وطرح
وإسأل اللي يحتريك وهو كبوت
كم طوى من عمر في صمته وجرح
ذابل أصوات المآذن به خفوت
سائِل اللحن الشجي يمكن شرح
ما يجيب البعد عنك غير فوت
للسعاده ف ثوب نشل ن من ترح
لا تروح وتترك الديره صموت
يا أغلى من شالت وخطواته الفرح