مثل الجبل - محمد الجلواح
من كثر ماني يا العضيد افتخر فيك
مارد قصيدي من بعد غفوته فز
قلت ابعث ابياتي رسايل تحييك
والشعر لفحول الرجاجيل يندز
يا طيب أصلك يا طهارة أياديك
منت بمثل من لا طلبناه يبتز
لك يا شهم راية رفيعة تعليك
في قمة امجاد الزمن رزها رز
في هيبتك يا والدي من يجاريك
لامن وطيت بأرض هزيتها هز
و الا انت لو أقسى المصايب حواليك
مثل الجبل محدٍ بيلاقيك تهتز
كن المصايب يا بّعدي تبتلي فيك
لنّك تجز رقابها بحنكتك جز
منهو عن عيون الأوادم بيخفيك
و انته علم واضح و ثابت و مرتز
و اعلم بأن اللي حصل له يخاويك
يفهم بأن الطيب هو مصدر العز