يابن الكرم - محمد بن راشد المهنا النعيمي
في الشيخ زايد بن سلطان ال نهيان
يابن الكرم ويا بن حماية التال
الى اهتز من لفح القهر كل قاسي
يا شيخ جيتك ما علي مطلب حال
ولا من الفقر المنوخ اقاسي
جيتك امسلم حق تقدير واجلال
واسمح اوضح دافعي بالتماسي
جذبني صدى صيتك غدى لي على البال
ومنين ما فكرت لي هو احساسي
احب انا الطيب وطاريه واسال
منه واجي له من بعيد المراسي
واقول جزلات المعاني والامثال
في حق خطلان الايدين بحماسي
ولا اقول في غير المكارم تغازل
ولا بيع من ذمة ضميري الناسي
حيشاي من هدم البخت على سبت المال
وحيشاي من طبع النفوس الغلاسي
اقول الوكاد الحق والحق ينقال
ورزقي على محي الهشيم اليباسي
ولولاك قرم وفي الملازيم رجال
ماقلتها لو هي على قطع راسي
يا بن الكرام ويا بن ذربين الافعال
يا رمز بيت ساد مجده وناسي
بيت لكم ناست سنينه ولا زال
ارسوم مجده راسخات رواسي
بيت ذكر مجده تواريخ الاجيال
منه الزعيم ومنه حنك اسياسي
ومنه نهار الكون للعمر بذال
ومنه الاديب الفاهم الدبلوماسي
ومن عادها بالرمح رجلي وخيال
تقود قوم في المعارك قواسي
قوم على نوش المعادين دهال
بظهور عوص مزمنات العناسي
ياما شعب من هجمت دونها حال
مسود ديجور الدجا والغلاسي
وكم قرب من نازح دونه الال
خبن وجنه مبعدات الماسي
وكم قطعوهن فرجة الخوف زرفال
وكم بلمن وهروجهم بالهماسي
وكم جيد جاله من الغد ولوال
عقب التبسم بدل الضحك ياسي
الى عدن يشدن مقاسيم الاجال
لاجن مرتكب الخطا والماسي
ماعاد له من شافع كون الاعمال
لو قال قول اللي من الحق ناسي
يا شيخ هاذولا الى قلت الابطال
يوم العنايا والمنايا تقاسي
الي لهم في تالي الجيش محوال
لا اقفن خفيفات المزاهب اكداسي
وذولا هلك وانت الخلف وانت الامال
شعب خذا منك الدليل اغتباسي
وبالعون يا زايد مسميك ما عال
يا زايد الامه بعدل امواسي
سويت حق للارمال والاطفال
وفكيت اسر امكتفين الافلاسي
وبنيت دور العلم والعلم مدخال
سبل الحياة ونور ظلم الاعماسي
ودربة جيش في وغا الهوش كالتل
اذعار من في هام راسه انحاسي
جيش اشعاره شارة الموت في الحال
كله ولا القدر المقدس يداسي
والدار في عصرك لها نور واقبال
اقبال عذرى في ليالي العرسي
شقرا فتاة حذفت رث الاسمال
ولبست من المطوى اجداد المكاسي
وردية ورد عليه الندى سال
وعلمك بلون الورد والعصر ماسي
ويا بوخليفة عمر الايام لو طال
العمر فيها شبه غفوة انعاسي
والخلق فيها بين نازل ورحال
ويبقى الجميل الي غرسته غراسي
يبقى الجميل بجيد الذات والخال
واما الملفق مال بحره اقياسي
خوى الرخا يا شيخ لو قال ما قال
في الضيق ما تلقا خوى الدهاسي
عمر الصبخ ما صار به في وظلال
اللملح ملح وما لقاعه مساسي
عفا الله من عين تزايد هجيلها
وكبد لحاها الوجد يا عزتي لها
ونفس تقزيني على كل حزه
مثل الطموح اللي معيف حليلها
تجملت واخفيت السراير من العدى
ولحا الله دنيا ما توفي جميلها
دهتني بغارات على سر غفله
وخذتني بقوم ما يذكر عقليها
دعتني مشيح بالمناضيم مولع
احب المثايل دائما وانتحى لها
اون بحزني الصوت في ليلة الدجى
كما ونة المصغر يتالي عويلها
تداحم اعباري في ضميري وتحتلج
ودائي بنقسي والعنا مستشيلها
ومعاني بيوت القاف بالصادر كأنها
ورد على حوض تداحم ظويلها
تخالف وتخلفني مقاصيد عنوها
كما تخلف الفرجة روابع دليلها
حداها ضليع الوجد من قاصى الحشا
وقلب عليه من الملايل طويلها
وعين قزت من لذة النوم واصبحت
كما مزنة غرا حقوق مخيلها
ولا عاد في ما قدر الله حيله
ولا ينفع المخلوق نفس يبيلها
ولا ترقع الشكوى على غير طيب
معيد على شيل الثقيلة عميلها
كما حزة الضيقة الى قيل ردها
له الطيب الي عادته ينثني لها
جملها الى كبرت وثقلت وعومست
اهل الراي وأعيت في النظر من يحيلها
حامي عقاب الحاينه لا غتشى السماء
سحاب المثلوث والمشكوك مخيلها
ملاذى ومقصودى وذخري محمد
وجه الوجيه اللي تذرى دخليها
هل الجاني المجرم هل العطف والسخا
هل الجيرة اللي ما تخيب نزيلها
يا ولد سلطان الحرم معدن الكرم
عزوة هل العوجا وعنزة ثقيلها
جميل النبا يا شيخ والذكر قادني
مع هقوتي بك يا منجي هزيلها
لجواد ذخر الروح في القالة الذي
كود على ولد الردي يعتبيلها
والاجواد للمظهر وصف الذي ورد
جبا عيلم عد براد مقيلها
والاجواد في البلوى ملاذ من البلاء
ملاذ ومن بعد المدى ينعني لها
ولو اني على ساوي تعنيت صوبك
على حايل يطوي الخريمة هذيلها
عملية شف الغوا بنت حره
بعيد المدى لازرفلت ينططوي لها
صبور على المسرى جلود على القسى
معيد على الشطة على ما يجي لها
تبوج الفضا لاصلب القيظ واحتمي
هجير الهيافي وامرع الماء صميلها
تخازر بعين بالتواصيف كأنها
عين الهنوف الي تخازر خليلها
لكن دونك يا ذار الجار عاقني
عضيل النيا حمل كتوفي عضيها
على رسم خط هبه النود واختفى
ظلماء ولا ادري من ضحاها وليلها
على اثار خلان الصفا منقوع الوفاء
عربان ونجوع تقافا رحيلها
تقافوا وخلوني مع ظلوم غلمه
ومعهم على عسر الليالي وميلها
فلا همني دنيا ولا حسني بها
سوى ديرة ذهبوا مناعير جيلها
دعتني احد النفس في مسلك العنا
يا سول نفس ثقل الاسر ميلها
فلوا عنوا مقصودي سنع عيشه الغنى
تغانيت من يمنى كثير قليلها
ولكنني لو جدت ما ابريت ذمة
عليها ديون ما يسادي كفيلها
ولا دين الا دين من ورثه العلا
ان كان له نفس طناها يشيلها
وانا فيك بالرجوا كما ارجي الحيا
وسم على صلب انشاش غميلها
ان جدت فإن الجود لك سلم مذهب
والعود فرع من مغارس أصيلها
وان شح حظي ما شنيتك ولا بعد
بازهم سوى اللي للذايا يزيلها
الهي ومعبودي تعالى وخالقي
الخير اللي رحمته نرتجي له