الله من ليل طويل سهرته - محمد بن راشد المهنا النعيمي

في مدح محمد بن محمد بن ذياب النعيمي

الله من ليل طويل سهرته
افكر واحقق بمابي ولسباب

واسباب مابي من نظام درسته
درس(ن) لجا في خاطري عادني شاب

ما اسب انا المبلي ولا احب مقته
واسب من يجفى العواني ولنساب

ما ني بمن ينسى ضميرة وسمته
قليل فود وللمخاليق سباب

احب انا الطيب وما قيل قلته
وقبلي يقولونه بني عم واجناب

ابو ذياب محمد لا عدمته
يا قل تلقى عينته بين لقراب

قالو كريم وقلت بالعين شفته
ما حط للدنيا مقادير وحساب

وقالوا نزيه وقلت قدني عرفته
ما هو بنمام ولا هو بكذاب

و قالوا اديب وقلت هذا لمسته
محسوب في حفظ التواريخ لكتاب

اوفى خوي في الحياة اختبرته
تالي الرجى لا صك ناب(ن) على ناب

ابو ذياب محمد جعل وقته
يغنيه من فضل الردي مترع الساب

شرب الصرا موت على القلب سكته
والموت احلى من رجى الاش لو طاب

اللاش لاش و ما ورا اللاش ربته
ينسى الجميل ويجزي الطيب بعتاب

وان طاب يوم ما يوفي بسته
حده سبوع ويفضحك بين لصحاب

مفهوم وادي الملح مازاف نبته
والحر ما يملي صميله بمغراب

يا بو ذياب الوقت لغز(ن) او نكته
يوم معه غلقه ويوم به اعصاب

و يوم يشيب الراس من طول صمته
يوم صديق ويوم خاين وحراب

اركب مقاصيف الرجا فوق تخته
او انزل مطاليق يفكون لنشاب

فكاكه القاله بحزم(ن) وثبته
عند اللقى يوم الوغا قطع الارقاب

خذوها وضوح الشمس ما هي بغته
و ماهي بفتوى جماعات و احزاب