دروب الشوق - محمد فهد الطريسي

كانك تبين أحساس شاعرك يكتبك
ويضفي على قلبك شعور السعاده

هاتي يمينك بددي اللي معذبك
بوصلٍ يبعثر ليل هم النكاده

كلي قصيدة عشق يا عيون معجبك
من صادق أحساسي وصافي وداده

يامهرتي وشلون الأوهام تغلبك
ودرب الوفا والعشق سامي أراده

الشعر نهرٍ من سنا الشوق يشربك
وحس المشاعر نبض حبك مفاده

في رحله أسفار العمر حس يطربك
أغلى الجواهر والدرر لك قلاده

حزنك وهمك قيد وهمٍ يعذبك
غفى وسط روحك وطول رقاده

ماأقبل ظنونك وكثرة معاتبك
وحبك سمأ بالحب قول ورياده

بين النجوم شعور شاعرك ترقبك
ينقش على صدر العشق حب غاده

يامهرتي والشوق بحرٍ لمغربك
ساعر سنا ناره يفوق الأراده

مافيه شيء يخلي الوهم يتعبك
وصدق المشاعر نبض حبك وزاده

ماجيت متسول بشعري إبكسبك
يوم الرزايا الصمت عنها عباده

لاعاش منهو ياهوى القلب يغضبك
وحبك تسيد روح نبضي وقاده..