مشتاق - محمد فهد الطريسي

ياللي على رجم القصايد تعليت
وخذت من جزل المعاني دررها..

لك التحيه كل ماصبحت ومسيت
ياروح روح الروح وثمرة زهرها..

تسكن بنبض الدم والقلب لك بيت
وفياض عشق الروح نبضك ثمرها

ياما سريت الليل ياما تحريت
مزون حبك تستهل بمطرها..

وخليتني..لاني بحي"ن" ولاميت
بوسط سكه طال خطوة سفرها..

وأنا الذي من شأن حبك تعنيت
طفت البحر والبر وكايدخطرها..

بعزوم فارس شامخ"ن"ماتثنيت
ياقرة عيوني وبهجة نظرها..

ياشوق لعيونك حشا ماتخليت
أسوج رجلي للعلا ماحدرها..

ياشوق لك ناديت..ناديت..ناديت
أسكن فياض الحب وأقطف زهرها..

هذي الحقيقه جيت والا تغليت
ربيع عمر الروح نبضك مطرها..

شفني أنا من عالي الرجم غنيت
مشتاق لك مشتاق ياأجمل دررها..