مثايل - ناصر بن حمد آل خليفة

هات القلم بكتب قصيدي على شان
اختار لي بين المثايل مثايل

دام القصيد يمثل شعور انسان
بحاول اعطي عن شعوري دلايل

وانا حسب عرفي على مر الازمان
عند النشاما ماتضيع الجمايل

ومن يفعل المعروف ماهوب خسران
دام النوايا بيض الشك زايل

والحكي في بعض الواقيف نقصان
لا صار عقب الحكي مامن صمايل

افعل وتلقى مع الناس عنوان
وتلقى مكانك فالصفوف الاوايل

والتجربه في وقتنا خير برهان
ومن جرب الدنيا يشوف الهوايل

وانا وريث اهل العطايا والاحسان
اهل المبادي والكرم والفعايل

نعطي ويرجح بالعطا كل ميزان
ونقدم الجزلات لاهل الجزايل

عادتنا لاجات روغات الاذهان
نلقى لنا بين الوسايل وسايل

للخيل خياله وللحرب فرسان
وللضد ضد وللسلايل سلايل

حنا هل الوقفات في كل ميدان
اهل العزاوي متعبين الاصايل

ياما ركبناها بلاسرج وعنان
وياما ردعنا فوقها كل عايل

وياما حذفنا الروس من فوق الامتان
وياما سترنا ناققضات الجدايل

حنا نفك رقاب ونحرر اوطان
ونعدل الوقت الردي لاتمايل

افعالنا ماهي تقدر بالاثمان
افعالنا اصدق من حقوق المخايل

من وقتنا لماضي الي وقتنا الان
وحنا لها بين صايل وجايل

والدار تبغي شعب وجنود اعوان
وصدق ووفا وخلاص في كل فايل

وحنا فدا للدار في كل الاحيان
والله مانرضى سواها بدايل

الشعب صامل والمعازيب شجعان
لاوقفو تشفي الصدور الغلايل

من دون ابو سلمان واخوي سلمان
ناقف سوات الزير واخوه وايل

اما وقفتنا وقفتن شانها شان
ولا القبور اللي علينا تهايل

هذا الكلام الصدق من قلب ونسان
ماهو كلام اهل الحكي والتحايل

واللي يبي للعلم ادله وبرهان
يرجع لتاريخ العرب والقبايل

يحق لي لاقلت انا عالي الشان
مادامني من صفوه عيال وايل