القلم يحكي - نايف العويمري

القلم يحكي لو إنّي ماحكيت
ترجم احساسي وسطر مايريد

بكل حرف وكل سطر وكل بيت
والله انك كل مضمون القصيد

قلت يكفي قال توي ماانتهيت
لين مكتوبي يصل إيد بأيد

كان بالدنيا فوايد اغتنيت
يوم احبك طول عمري مستفيد

لاتغادر خافق فيه انزويت
لو يبيد الحب حبك مايبيد

لو مكانك بآخر الدنيا غديت
بس احبك موووت لوهو من بعيد

والله اني يوم ترحل ماجنيت
غير هم وغم وضيقات تزيد

ويش اسوي غير كنّي مادريت
ليت ينفع اكتم الحزن الشديد

طال فقدك وانتظاري لك ماجيت
ليت ماهذا هو افراقك اكيد !