جيت أكتبك - نايف العويمري
جيت أكتبك في حرف تكتبني اسطور
تغوص باعماق القصيد وبحوره
انساك كيف انساك .. بالقلب مذكور
حتى خيالي فيك سجل حضوره
ماتنّسي لاصرت بالقلب محفور
حبك يخلّده الزمن مع مروره
ومهما زماني خانني واسرف الجور
والله لاعاند رداه وقصوره
لاتلومني مفتون بك قلب مايبور
لاجيت اصدّه يرتمي بك غروره
ياللي بدونك دنيتي مابها سرور
لاتترك المنصاب عند الضروره
كل مافقدتك يظلم الجو يانور
تركت للصمت الرهيب المشوره
لك ماتبي غير" القطيعه" ومشكور
ماعاد نفسي لافقدتك صبوره