لاح برقك - نايف العويمري
لاح برقك بالجنوب وبالشمال
مدري هي تمطر مزونك او تبل
كبد عطشى ماتبي غيرك وصال
كان ما تبري ضماها ياوبل
خلني برجواك مع طول الليال
ماقطعنا في رجاويك الحبل
مهما ساد اليأس والحرمان طال
ومهما تنقطع الرجاوي والسبل
انت سقيا الروح يالعذب الزلال
لك ربيع في فؤادي ماذبل
اشهد انك تعطي الجو اعتدا
ل
ياوجودي ادرني شح السوال
يابعد كل الشهامه والنبل
ليتني وياك في دنيا انعزال
لين اطيب خاطري بعد وقبل
مانشدنا عن رديين الخصال
لو حكا فينا السفيه مع الخبل
ياوجود القلب وجد بإنفعال
لين تتعب من شفاتيك القبل
ياهواي وصادق الحب النضال
هاك عشق فاق عنتر مع عبل
كل يوم ولك غرامي باحتفال
غنت الافكار مع صوت الطبل
سمها ماشئت مافيها مجال
لاتلوم اللي يحبك بالهبل
مانسيتك لاحشا لاتقول مال
مال معك القلب وكبلته كبل
والله انك ياحبيبي لاتزال
فوق من يهواه هالخافق دبل
اعشقك واهواك لو وصلك محال
وطق يالنسيان في راسك جبل