الصدارة - نجلاء آل خليفة
في الصداره دوم حنا في الصداره
صيتنا يابوي فوق أعلى مناره
من فعولك كل خلق الله اتكلم
فارس وله هيبته وعزه و وقاره
لي اعتلا صفوة خيول المجد خلا
كل فارس يبتعد عن خط مساره
ولي نوى عالفوز وللناموس عزّم
عن منصات الشرف ماقد توارى
وايلي فارس شجاع وبعد شاعر
ويهتوي المقناص وعلوم الصقاره
كريم مارد الذي يوم انتخا به
لي عطت يمناه ماتدري يساره
طيب وذكره مابين الناس طيب
يذكره ربعه وناسه وحتى جاره
كاسبٍ صيته من أمجاد ومراجل
ماكسب اسمه من فلوس وتجاره
وانا بنته وافتخر في كوني بنته
وحتى شعري زايدٍ في إفتخاره
ولأن ابوي إلي اقتدي به بكل حاجه
جتني القدرة من عزوم إقتداره
صرت أسعى للبطولة لجل عينه
واكتسب من حنكته فن ومهاره
وصرنا مع لإنجاز بالطبع إنتخاوى
وصار لي الناموس هو أجمل عباره
ربي طول عمر أبوي إلي مشا
بيكل دربٍ يوصل إبنا للصداره