منته حبيبي ! - نورة الدوسري

منته حبيبي لا ولا تشبهه ابشي
حتى شعوري يوم اناظرك ثاني

يومٍ تلاقت عيني ابعينك اشوي
كنها لاول مرةٍ في زماني

ما عاد قلبي ينبض وترجف ايدي
عند اللقا وآذوب وانا مكاني

ما عدت احسك لي دفا او لي الفي
اتجمد احساس الهوى في كياني

يعني هقيت انك بتبقى لي الضي؟!
وان الفراق اللي بديته عَماني!

وانه ولا شيٍ ابد اختلف بيّ
واني على حطة يدينك أعاني

تبغاني افرح بك وشربتني الغي
لين امتلاني // بس ربي هداني

تبغى اقول امحبتك بالحشا هيّ
لا والله الا ما بقت لك أماني

ارجوك لا عينك تلاقت بعيني
لا ترتجي نظرة وله أو حناني

لا باقي ذكرى ولا طيف لك حي
انا اعتبرتك وسط هالقلب فاني