آخر طموحي - نورة الدوسري
لميت كل الورد لجلك هدايا
والعطر رشيته من انفاس روحي
غنيت لك موال حبي حَكايا
أعزف على أوتار قلبك جروحي
يا مرحبا يا بعد كل البرايا
حققت في شوفتك آخر طموحي
من فرحتي حسيت مابه سوايا
بين البشر فرحان والا مزوحي
احييت نبض القلب وسط الحنايا
واطفيت في داخله شوق لحوحي
دامك سكنته في جميع الزوايا
واستملكت روحك بقايا صروحي
قلبي وروحي كلهم لك فدايا
يفداك كلي دام طابت جروحي