وضاع الحب - نورة الدوسري

تدري وش الي يذبح القلب والروح
لما يضيع الحب قدام عينك

تنهي مواعيد الهوى غصب وتروح
ويزيد شوق القلب بينه وبينك

فجأة تلاقي حولك آلام واجروح
أتون ولكن ما يوصل ونينك

تسمع بعدها صوت خايف ومبحوح
باسمك ينادي: عني يَ فلان وينك

تتلخبط اوضاعك من الصوت مفضوح
من زود حبك ينتفض بك حنينك

ابلحظة ضاع الحلم وانهدت اطموح
ويّا أمل به عشت ماضي سنينك

مايقدر الا يندب الحظ وينوح
وما تقدر الا تدعي الله يعينك

تكتب معاناتك قصايد بها اتبوح
والحال كله واضح ابوسط عينك