الحكاية انتهت - نورة الدوسري
دامك طلبت الشعر حاضر ولا هنت
بعطيك من شعري جزيلات الابيات
باعلمك شيٍ فِ قلبي ولا قلت
في خاطري مير الحيا بيّ عادات
ان كان ظنك في غيابك انا تهت
آبشرك دليت درب المتاهات
وان كان ظنك اعشقك مثلما كنت
حبك دفنته يوم وسط الحشا مات
ما عدت انا خبرك لعلمك انا عفت
حتي قصيدي لا طرا منك آهات
تعرف طباعي لا بعيني ترا شنت
امحال ترجع في عيوني كما فات
يعني الحكاية انتهت مثلما شفت
ما عاد له داعي تقول البدايات
كان الهوى كذبة وانا بعدها تبت
يالعنبو حبٍ تجي منه دمعات
وانته طلبت الشعر فاسمع حكي بنت
صاغت من احروف المشاعر نهايات